是是誰 D+ 看世界~*

日月潭曼波

三叔公啊五嬸婆 臺灣寶島好迄逃
大家相招打鼓鑼 日月潭邊跳曼波
金針花開滿田邊 水社柳樹金閃閃
菜瓜花絲香露水 年年攏是豐收年

阮是田庄好兄哥 透早出門巡草埔
若是問阮哪風騷 腳踏水田跳曼波
妳是溫柔美人心 為著生活來犧牲

魚池唸歌

頭社米 水社魚 先人有講起
木屐囒 土籠齒 歷史真趣味
大林水 銃櫃豬 魚池出蕃薯

這是古早的代誌 請咱不可放抹記
生命真緊就過去 總是情感難分離
現代人情真稀微 人講道理算什麼
越頭看見田園邊 無意想起少年時

臺灣農夫的向望

臺灣農夫真厲害 百般武藝攏總來
臺灣農夫的世界 雙手打拼好將來

天頂的日頭紅閣紅 阿爸佇田園無輕鬆
阮欲向天來講心願 今年的收成吃抹空
咱的台灣是海翁 載著希望兩千三百萬
咱的台灣是海翁 帶著臺灣農夫的向望

土地的香味

咱來去 咱來去 來去故鄉找記憶
水池邊 鳥隻啼 想起囝仔那當時
佇那有 台灣水 嘛有台灣的空氣
就親像 初戀的滋味 永遠 攏抹 將伊來放抹記

咱來去 咱來去 來去田邊找趣味
白鷺鷥 滿滿是 景誌猶原這呢美
佇這有 台灣米 嘛有台灣的過去

咱的土地在唱歌(紀念巴宰族的Ayan、祖訓)

水的聲 山的影 照著百年的孤單
是安怎咱的阿嬤 唱著我聽無的Ayan唱抹續
是不是想起著青春的形影 抑是山頂的風有卡寒
啦啦啦啦啦啦啦 親像聽見著咱的土地在唱歌

我佇遮 你佇那 咱是草地的親戚
是安怎咱的阿嬤 講著我不知的故事講抹續
是不是她的內心真孤單 抑是無人通佮伊來做伴

臺灣農夫的名

月娘叫著你的名 天星導路使你知影
風吹月影照田岸 今夜露水有卡寒
無情歲月送人行 暗光鳥聲痛入心肝
誰人佮你來做伴 只有月了解你孤單

臺灣農夫的名 是土地為咱來唱的歌
每一冬的打拼 一粒米一粒汗 攏有這塊土地的愛
臺灣農夫是咱的靠山 雖是淡薄收成 伊的形影伴咱來行

阮是一個快樂的田庄少年兄

阮是一個快樂的田庄少年兄
自由自在沒煩惱歡喜唱詩歌
雖蒙有時阮自己心內真孤單
總是你用心安慰對阮講心聲

叫阮愛凡事忍耐 叫阮愛為著將來
叫阮愛閣試看覓 祝福才會來
叫阮愛擦去目屎 叫阮愛堅強起來

吃飽未

咱閣相佮見面 吃飽未 咱攏會相借問 吃飽未
這是鄉親 真心的交培 親切的口頭話
咱閣相佮見面 吃飽未 咱攏會相借問 吃飽未
這是快樂 希望佮安慰 彼此祝福你我的話

祝福你 健康吃百二
祝福你 親像天頂的明星
祝福你 歡喜過日子

臺灣農夫進行曲

我的頭頂戴著草笠 雙腳穿著雨鞋
有啥人會凍比我卡有伴勢
我的肩胛揹著鋤頭 單手按著車斗
有啥人會凍比我卡有派頭

來來去去佇田園中 風吹日曬繼續衝
人人叫我是田庄的英雄 臺灣農夫相介勇

庄腳的party

男：
日落黃昏時 落一陣雨水 燒熱的空氣 漸漸來散去
阮是愛台灣的男兒 阮是愛鄉土的男兒
阮在這 欲招妳來 唸歌詩

女：
南風吹微微 使阮心花開 美妙的氣味 久久無停止
阮是愛台灣的女兒 阮是愛鄉土的女兒

咱的故鄉就佇這



曲：簡雅珊、詞：伍烱豪

太平洋西岸 一粒沙 無孤單 祖先的土地 海連山 攏是疼
仝款的運命 你佮我 黏相倚 咱欲永遠踮佇這

當咱舉頭看 天會光 水會焦 上帝的心肝 咱著愛 斟酌聽

你是我一世人的寶貝

春天的風吹來微微啊笑，我有幸福美滿的笑容；
熱(夏)天的熱氣燒燒無地覕，你有苦嘆艱難的滋味。
秋天的雨落來陣陣啊涼，我有歡喜快樂的心情；
寒(冬)天的寒冷冰冰迵心肝，人生酸鹹苦甜只有你知影。

有你佮我一生連相倚，所有的困難攏簡單行；
有你佮我生命來做伴，一切的苦難攏無算啥！